Main Menu

افواجِ پاکستان دنیا کی بہترین فوجوں کی صف میں نمایاں طور پر شامل: غیر ملکی رپورٹ

امریکی ویٹ سائٹ کی رپورٹ کے مطابق پاکستان کی فوج دنیاکی 13ویں مضبوط ترین فوج ہے جس کے پاس نو لاکھ کے قریب فوجی موجود ہیں۔

رپورٹ میں امریکہ ، روس، چین، بھارت، فرنس ، برطانیہ، جاپان ، ترکی، جرمنی ، مصر، اٹلی ، ساوتھ کوریا، کے بعدپاکستان آرمی کو دنیا کی مضبوط ترین فوج قرار دیا گیا ہے۔صباح نیوز کے مطابق بزنس انسائیڈر نے دنیا کی 25 طاقت ور افواج کا جائزہ لیا ہے ، ہتھاروں افرادی قوت اور عسکری مہارت کے حساب سے ان کی درجہ بندی کی گئی ہے۔تمام ممالک کی عسکری طاقت ، اسلحے کی مقدار ، وسائل اور جغرافیائی حالات کے پیش نظر ان کے استعمال کو بنیاد بنایا ہے۔اس کے علاوہ تمام افواج کی انفرادی اور اجتماعی قوت کا بھی جائزہ لیا گیا ہے۔

ویب سائٹ ترجمان کا کہنا ہے کہ درجہ بندی میں ان ممالک کو رینکنگ محض ان کے ہتھیاروں کی تعداد کی بنیاد پر نہیں دی گئی کہ جس ملک کے پاس ہتھیاروں کی تعداد سب سے زیادہ ہے اس کو درجہ بندی میں بہتر قرار دیا جائے بلکہ درجہ بندی میں ان ہتھیاروں کے استعمال اور تکنیک کو بھی مدنظر رکھا گیا ہے۔ ان کا کہنا ہے کہ موجودہ دور میں دنیا کے کئی ممالک کے درمیان تناﺅ کی کیفیت بڑھ رہی ہے اور وہ روائتی ہتھیاروں کے ساتھ ساتھ نیوکلیائی ہتھیاروں کو بھی استعمال کرنے پر غور کر رہے ہیں۔ پاکستانی فوج کو زمین ، فضا اور پانی میں بہتری عسکری صلاحیتوں کے مظاہرے کے بعد یہ درجہ بندی دی گئی ہے۔ 2017 کی درجہ بندی کے دوران پاکستان کو 032870000 کا سکور ملا جو رینکنگ میں بہترین سکور مانا جاتا ہے۔

ویب سائیٹ کے ترجمان نے بتایا کہ اس وقت پاکستانی فوج کے پاس 9 لاکھ 19 ہزار فوجی ہیں، ان میں سے 6 لاکھ 37 ہزار ڈیوٹی پر تعینات رہتے ہیں۔ پاکستان میں ساڑھے 9 کروڑ افراد بالکل صحتمند اور توانا ہیں جب میں سے 7 کروڑ 53 لاکھ 25 ہزار افراد فوج میں ملازمت حاصل کرنے کیلئے جسمانی اعتبار سے بالکل فٹ ہیں۔

پاکستان کے روائتی حریف بھارت کی آرمی کو اس فہرست میں چوتھے نمبر پر رکھا گیا ہے۔ بھارتی فوج کے پاس 42 لاکھ سے زائد مسلح افواج موجود ہیں جبکہ دنیا کی سب سے مضبوط اور طاقتور بری فوج کا اعزاز حاصل ہے۔ اس کے پاس 13 ہزار 762 جنگی طیارے موجود ہیں جس میں سے 6065 ہیلی کاپٹرز ہیں۔ دوسرے نمبر پر روس اور تیسرے نمبر پر چین کی افواج کا نمبرآتا ہے۔

مشرق وسطی کی طاقتور ترین فورسز میں سعودی عرب پہلے نمبر پرآگئی، امریکی رپورٹ کے مطابق سعودی فوج 2017 کے دوران اسلحہ پر سب سے زیادہ بجٹ خرچ کرنیوالا ملک ہے۔ مشرق وسطی کی 10 طاقتور ترین افواج میں سعودی عرب پہلے نمبر پر ہے جبکہ ترک فوج مشرق وسطی اور شمالی افریقا کی سب سے طاقتور فوج ہے۔

رپورٹ کے مطابق سعودی فوج نے 76.7 ارب ڈالر خرچ کئے ہیں جبکہ عراق کا نمبر دوسرا ہے، جس نے 19.3 ارب ڈالر کا اسلحہ خریدا ہے۔رپورٹ میں مزید بتایا گیا ہے کہ مصری فوج دنیا کی 10 طاقتور ترین افواج میں سے ایک ہے۔

ا دھرپاکستانی دفاعی مبصرین کے نزدیک اس رپورٹ میں یہ نہیں بتایا گیا کہ پاکستان کے ہمسائے میں دنیا کی چوتھی بڑی فوج کشمیریوں کا مسلسل قتل عام کر رہی ہے اور وہ روز اول سے پاکستان کے وجود کو مٹانے کے درپے ہے لیکن اس کی اس ناپاک کوشش کے سامنے دنیا کی تیرہویں نمبر کی فوج ہی رکاوٹ بنی ہوئی ہے۔

اسی پاکستانی فوج نے دہشت گردی کی جنگ میں امریکی اور نیٹو کی فوج سے زیادہ کامیابیاں سمیٹی اور دنیا کو محفوظ بنانے میں اپنا کردار پیشہ وارانہ انداز میں ادا کیا۔






Leave a Reply

Your email address will not be published. Required fields are marked as *

*