Warning: Invalid argument supplied for foreach() in /customers/5/9/3/siasatpakistan.com/httpd.www/wp-content/themes/newspress-extend/function/imp.php on line 26
Main Menu

اسلامی تعاون تنظیم کا مقبوضہ کشمیر کی صورتحال پر اظہار تشویش

اسلام آباد:اسلامی تعاون تنظیم (او آئی سی) نے  مقبوضہ کشمیر کی صورت حال پر تشویش کا اظہار  کیاہے۔ او آئی سی نے مقبوضہ کشمیر میں فوج کی تعداد بڑھانے اور کلسٹر بم کے استعمال پر بھی گہری تشویش  ظاہر کی ہے۔ 

سماجی رابطے کی ویب سائٹ ٹوئٹر پر جاری بیان میں اسلامی تعاون تنظیم کی طرف سے کہا گیاہے کہ بھارتی فوج نے پابندی کے باوجود شہریوں پر کلسٹر بم کا استعمال کیا،ایل او سی پر بھارتی خلاف ورزیوں سے ہونے والی ہلاکتوں پر افسوس ہے۔

OIC@OIC_OCI · 6hReplying to @OIC_OCI

The OIC General Secretariat is saddened to learn about the civilian casualties resulting from ceasefire violations carried out by #Indian forces across the Line of Control and expresses solidarity with the people of Indian occupied Jammu and #Kashmir. #KashmirBleeds

OIC@OIC_OCI

The OIC reiterates its call upon the international community to rise up to its responsibility for the peaceful resolution of Jammu and #Kashmir dispute through the democratic method of a free and impartial plebiscite in accordance with relevant UN Security Council resolutions.3,75117:46 – 4 Aug 2019Twitter Ads information and privacy2,533 people are talking about this

او آئی سی نے  مقوبضہ کشمیر کے عوام کے ساتھ اظہار یکجہتی بھی کیاہے اور مطالبہ کیا ہے کہ عالمی برادری مسئلہ کشمیر کے پرامن حل کے لئے کردار ادا کرے۔

اسلامی تعاون تنظیم کی طرف سے کہا گیا ہے کہ مسئلہ کشمیر کا حل اقوام متحدہ کی قراردادوں اور کشمیریوں کی امنگوں کے مطابق ہونا چاہیئے۔

اس سے قبل  وزیر خارجہ شاہ محمود قریشی نے بھی اسلامی تعاون تنظیم (او آئی سی) کے سیکریٹری جنرل ڈاکٹر یوسف احمد العثمین سے ٹیلی فونک رابطہ کیا اور انکے ساتھ کشمیر میں بڑھتی ہوئی بھارتی جارحیت اور امن و امان کی صورتحال پر تبادلہ خیال کیا۔

سفارتی ذرائع کا کہناہے کہ اس موقع پر وزیر خارجہ شاہ محمود قریشی نے کہاکہ بھارت کی طرف سے نہتے کشمیریوں پر سفاکانہ طاقت کا استعمال انتہائی قابل مذمت ہے۔ بھارت، نہتے کشمیریوں پر ظلم وستم کے پہاڑ توڑ رہا ہے اور بین الاقوامی قوانین کی سنگین خلاف ورزیوں کا مرتکب ہو رہا ہے۔

مخدوم شاہ محمود قریشی نے مزید کہا کہ ہندو یاتریوں اور غیر ملکی سیاحوں کو کشمیر سے نکلنے کے احکامات تشویش میں مزید اضافے کا سبب بن رہے ہیں۔ ان حالات میں او آئی سی فوری طور اس گھمبیر صورت حال کا نوٹس لے۔

ذرائع کا کہناہے کہ سیکریٹری جنرل او آئی سی نے وزیر خارجہ کو صورتحال کا نوٹس لینے اور اس سلسلے میں اپنے ہر ممکن تعاون کا یقین دلایا۔






Leave a Reply

Your email address will not be published. Required fields are marked as *

*