Warning: Invalid argument supplied for foreach() in /customers/5/9/3/siasatpakistan.com/httpd.www/wp-content/themes/newspress-extend/function/imp.php on line 26
Main Menu

بھارت پاکستانی سرپرائز کا انتظار کرے، آصف غفور

پاک فوج کے ترجمان میجر جنرل آصف غفور نے کہا ہے کہ بھارت ہماری طرف سے سرپرائز کے لئے تیار رہے،ہم بالکل الگ انداز میں جواب دیں گے۔

بھارتی دراندازی کے حوالے سے پریس بریفننگ میں ڈی جی آئی ایس پی آر نے بھارت کو چیلنج کیا کہ اس میں ہمت ہے تو آئیں 21 منٹ تک پاکستان کی فضائی حدود میں رہ کر دکھائیں۔

Media player poster frame

انہوں نے کہا کہ بھارت تیار رہے اور انتظار کرے ہمارا جواب ضرور آئے گا،جو بالکل الگ انداز میں ہوگا،جسے آپ دیکھیں،وزیراعظم اس حوالے سے قوم کو اعتماد میں لے چکے ہیں۔

میجرجنر ل آصف غفور نے مزید کہا کہ وزیراعظم نے کہاتھا کہ بھارت حملہ کرے گا جو ہم سوچیں گے نہیں جواب دیں گے،گزشتہ رات ہمارا جواب آیا تو آپ کے طیارے بھاگ گئے۔

ترجمان پاک فوج نے یہ بھی کہاکہ پچھلے چند دنوں سے پاکستان اور بھارت کے درمیان حالات کشیدہ ہیں،کہا جاتا ہے کہ بیوقوف دوست سے عقل مند دشمن بہتر ہوتا ہے،ہماری بدقسمتی ہے کہ ہمارا ہمسایہ بھارت دشمنی میں بھی بے وقوفی اور جھوٹ کا سہارا لیتا ہے۔

انہوں نے کہا کہ اس کے میڈیا کا دعویٰ ہے کہ بھارتی طیارے 21 منٹ تک پاکستان کی فضائی حدود میں رہے ان میں ہمت ہے تو ایسا کرکے دکھائیں۔

میجر جنرل آصف غفور نے مزید کہا کہ 14 فروری کے بعد جب ٹینشن بڑھی تو وہ لوگ پیٹرولنگ کرتے ہیں، کمبٹ ایئر پیٹرولنگ ہر وقت فضا میں رہتے ہیں،پیشہ وارانہ کام چلتے رہتے ہیں، ان کی فارمیشن 4 سے 5 ناٹیکل میل اندر آئی جنہیں پاکستان ایئر فورس نے چیلنج کیا، بھارتی طیاروں نے جاتے ہوئے پے لوڈ ڈراپ کیا، ان کے 4 بم جبہ کے مقام پر گرے۔

ان کا کہنا تھا کہ رات کو ہمارا کمبٹ مشن قریب تھا جب سیالکوٹ میں پہلی بار بھارتی طیارے ریڈار پر آئے، ہماری فورس نے انہیں چیلنج کیا لیکن وہ قریب نہیں آئے اور اپنی حدود میں رہے، ایک بھارتی فارمیشن اوکاڑہ بہاولپور سیکٹر میں ریڈار نے نوٹ کی، اگر یہ ہماری کسی بھی ملٹری پوزیشن پر اسٹرائیک کرتے تو ایئرفورس کی فائٹ ہوتی۔

پاک فوج کے ترجمان نےیہ بھی کہاکہ انہیں لائن آف کنٹرول کی طرف آتے ہوئے اور واپس جاتے ہوئے 4 منٹ لگے، اگر ایل او سی پر اسٹرائیک کرتے تو فضائیہ کی فائٹ ہوتی ہے جو نہیں ہوئی۔

میجر جنرل آصف غفور کا کہنا تھا کہ اگر یہ مورچے پر اٹیک کرتے تو فوج اور ایئرفورس تیار ہے، اگر آرمی کی پوسٹ پر اسٹرائیک ہوتی تو یونیفارم اہلکاروں کی شہادت ہوتی لیکن ان کا مقصد سویلین کو نشانہ بنایا تھا تاکہ وہ دعویٰ کرسکیں کہ انہوں نے دہشت گرد کیمپوں پر حملہ کیا۔

انہوں نے کہا کہ8 بھارتی طیارےنےرات 2بجکر54 منٹ پرپاکستان کی علاقائی خودمختاری کی خلاف ورزی کی،پاک فضائیہ کے طیاروں نے انہیں موثر طور پر روکا اور انہیں بھاگنے پر مجبور کردیا۔

ترجمان پاک فوج نے کہاکہ بھارت نے 350 سے زائد دہشت گردوں کی ہلاکت کا دعویٰ کیا لیکن میں کہتا ہوں کہ کوئی ایک اینٹ بھی نہیں ٹوٹی، اگر وہاں کوئی عمارت ہوتی یا 10 لوگ بھی مرے ہوتے تو وہاں ملبہ ہوتا، لاشیں ہوتی، خون ہوتا لیکن جھوٹ کے کوئی پاؤں نہیں ہوتے۔

ان کا کہنا تھا کہ ہم نے پہلے بھی بھارت کے جھوٹ کو بے نقاب کیا اور آئندہ بھی کریں گے،ہم بھارت کے جھوٹ کا جواب سچ سے دیں گے،ہم بھارت کی طرح غیر جمہوری ملک نہیں بلکہ ایک جمہوری ملک ہیں،پوری قوم اور سیاسی جماعتیں یکجا ہیں۔

میجر جنرل آصف غفور نے کہا کہ بھارت نے حملہ نہیں در اندازی کی اور اب ہماری باری ہے، پہلے بھی کہا تھا کہ بھارت ہمیں کبھی سرپرائز نہیں کر سکتا لیکن ہم بھارت کو سرپزائر کر سکتے ہیں، ہمارا جواب مختلف ہو گا، وقت اور جگہ کا تعین ہم خود کریں گے اور بھارت ہمارے سرپرائز کا انتظار کرے۔

انہوں نے کہاکہ کل پارلیمنٹ کا مشترکہ اجلاس ہے جس کے بعد وزیراعظم نے نیشنل کمانڈ اینڈ کنٹرول اتھارٹی کا اجلاس طلب کیا ہے اور مجھے اس کی اہمیت بتانے کی ضرورت نہیں ہے۔

انہوں نے کہا کہ جائے وقوعہ سب کےلئے کھلی ہے،تمام سفیر، فوجی اتاشی،اقوام متحدہ کے فوجی مبصرین گروپ وہاں جاسکتے ہیں،میں دعوت دیتا ہوں کہ بھارتی سویلین اور فوجی مبصرین کو وہ  بھی آئیں اور آکر دیکھیں اور اپنے وزیراعظم کو آگاہ کریں۔






Leave a Reply

Your email address will not be published. Required fields are marked as *

*